Директорката на Царинската управа Славица Кутиров и заменик директорот Муарем Асани, на покана на Шефот на Мисијата на Организацијата за безбедност и соработка во Европа (ОБСЕ) во Скопје, амбасадорот Клеменс Која и министерот за надворешни работи Бујар Османи, денес присуствуваа на настан „Северна Македонија и ОБСЕ: 30 години партнерство“.
На свечениот настан, амбасадорот и министерот дадоа краток осврт на придонесот на ОБСЕ за Република Северна Македонија во последните 30 години, како и за приоритетитеи претстојните активности на државата како иден претседавач со организацијата во 2023 година. Царинската управа упатува честитки до Mисијата за успешната и посветена работата во изминатите 30 години во насока на зајакнување на владеењето на правото, унапредување на меѓуетничките односи, доброто владеење, и поддршката во процесот на судските реформи. За Царинската управа, од голема важност е добрата соработка и поддршката во изминатиот период од страна на Мисијата на ОБСЕ во Скопје, во насока на надградба на капацитетите на царинските службеници вработените во областа на борбата против прекуграничниот криминал.
